التعليقات على: خليك أكثر تواصل

بواسطة: Bbasem

Bbasem — Wed, 12 Dec 2007 13:28:53 +0000

البوست طويل أوى يا عم يحيى قسمته على 3 أيام عشان أخلصه
مش معاك فى موضوع إعلانات دبى تهتم دى
أنا شايفها فكره بايخه و سخيفة
بذمتك فى حد لما يطلب تبرعات يطلب 100,000 درهم تبرع ياعم الناس دى عايشة فى عالم و إحنا فى عالم تانى
دى حاجة تفقع المرارة

بواسطة: أنا

أنا — Mon, 03 Dec 2007 19:31:13 +0000

آهلاً يا بهظ :
- انا مش ضد آي حركات قومية ، بس مقتنع ان الاميل للعقل انها متكونش قائمة علي اللغة والدين والحتمية الجغرافيا بس ، يعني أعتقد ن هناك قومية جنسية - كل واحد يتحزب لجنسه- لكن قومية دينية ولغوية ، معتقدش الآسباب يطول شرحها ، وان كان في بوادر فهي اشبه بالحمل الكاذب
- شاي ان وصف الحنين للملكية بالمخنث ده وصف طفولي فعلاً ( بكلم بجد) ، البوست كان غرضه الاساسي توضيح ان الملكية في حد زاتا مش مخنثة ، والجمهورية مش هي النظام الفتي الفحل للدرجة ، الاهم وجود مشروع وطني سواء ملكي او جمهوري ان غير معني ، وبعدين مالها الملكية يا اخي ،علي الاقل كان زمانك دلوقتي بهظ بيه ، وبتشرب شيشه عجمي مش حّمي وقاعد بتابع اخبار بورصة القطن علشان تعرف القنطار وصل كام ريال
- اما بمناسبة الحديث عن الشباب والمجتمع المدني ، ليه الوب بتاعكم http://www.sda-web.org/ غير داعم للعربي ، مش غريبه !؟

- لينك الغرزه http://www.bahgaga.blogspot.com/ محدش يقدر يشيله ، جايز يكون السهو ، وانشاء الله انا هكلم محمد بيه وهنوصل لحل في الموضوع ده
بهظ : كيف الحال ؟
ي

بواسطة: Bahz

Bahz — Sun, 02 Dec 2007 02:56:18 +0000

البوست اكتر من رائع يا عم مجاهد .. بس فى حاجه انا مش متفق معاك ان خلا الحركه القوميه العربيه انتهت … رأيى المتواضع انها بدأت بالفعل بس بفكر تانى … شبابى من لا مؤسسات المجتمع المدنى و ربا يسهل … و بصراحه شايف فى المقال حنين من النوع المخنث للملكيه رغم انكارك ليه … بس ميضرش … بس هل تعتقد ان من نسل مبارك هناك من ينفع ملكاً … بس فى النهايه لابد ان اثنى عليك … بجد بوست ممتع جداً

الا صحيح انت ازاى تشيل اللينك بتاعى يا عم انت

بواسطة: hamas gaza

hamas gaza — Thu, 29 Nov 2007 21:20:10 +0000

يا اخي انته رهيب والله رهيب الف شكر على جهودك الطيبه والمبذوله
وكلمه شكر قليله في حقك واتمنى منك المزيد

بواسطة: Adam

Adam — Thu, 29 Nov 2007 11:27:00 +0000

موضوعك جميل و لكنه مكتوب بلهجة متعجله ينقصها الربط بين النقاط للنقل السلس و أكثر ما يعيبها هو النهاية المختصرة جدا لمقدمه طويله جدا…اشجعك على الكتابه فأنت موهوب تنقصه الخبرة في الكتابه…موفق إن شاء الله

بواسطة: Black & Ankh

Black & Ankh — Thu, 29 Nov 2007 10:02:47 +0000

حفل الأفتتاح كان قمه في العبث, أعتقد ان اي نجم عالمي هيفكر الف مره قبل ما يحضر حفل المهرجان القادم, خوفا من ان اسمه يتزج و يتحشر بصوره مفاجئه في دعايه للاخ فاروق حسني, و الاعلام يكتب ان فلان و علان من النجوم العالميين حضروا تكريم فاروق من قبل اليونيسكو, و سواء اعتبروا الدعايه للشخص او للنظام, فهي حركه قرعه من اللجنه المنظمه, ده غير كوميديا الفارس و خفة الدم اللي مش في محلهامن الكل. هبل و عبث, و تقليد اعمى

بواسطة: Bella

Bella — Mon, 26 Nov 2007 18:45:28 +0000

تعجبني طريقتك الممتعة في نقد الاعلانات
التدوينة شيقة جدا ومثيرة للاهتمام ومتنوعة

ولو اني كنت افضل ان تفصل الجزء الاخير الخاص بمهرجان القاهرة السينمائي لتدوينة مستقلة نظراً لطوله.

احييك على المعلومات الوفيرة التي اطلع بها من كل تدوينة اقرأها لك.
فقط ارجو منك تقطيع التدوينات حتى لاتكون طويلة

ولو انها ممتعة في كل الاحوال ورغم طولها قرأتها كلها قطعة واحدة دون أن يرمش لي جفن.

كتاباتك يصعب التعليق عليها خاصة عندما تتحدث عن الاعلانات

تحياتي